Glanzlichter aus dem Alltag

 

Hochzeits-Apero von Aurelia und Martin                       25. September 2020

 

 

Herbst-Zeit auf der Alp         September 2020

 

 

Vielfältiges ALP-(er)Leben     August 2020

 Glück im Stall - Genuss Pur mit wunderschölner Aussicht - gelungener Brunch - Fahrt mit Postauto nach Tannisbnoden

 

 

NATUR Spektakel innert wenigen Minuten            1. Juli 2020

 

 

Zum Sonnenaufgang auf dem Brienzergrat, Allgäulücke       21. Juni 2020

 

Hüt am Morge isches nache gsi......ume eis ga dr Sunne-Ufgang beobachte u gniesse uf d Allgäulücke!

Churz vor de haube föife dr Wecker lüütet, ig gumpe zum Bett us, ...... no chlei Kaffi yfülle y Thermosfläsche, e Bitz Brot u chli Chäs......u es cha los ga! 

Nume wunderschön u einmalig u einzigartig üsi Bärgwält!  DANKE -  Mir heis gnosse chly z höckle u d Wäut vo obe z bestuune. Traumhaft!

Merci mine Begleiterinne, Angela u Lilly. Schön sit dir o derbi gsi!

 

 

 

Momänte mit üsem Hund Lili     Mai - Juni 2020

 

 

Schnappschüsse im Alltag....                 1. Juni - 8. Juni 2020           

 

Produkte aus der Alpkäserei             25. Mai 2020

Es freut uns, wenn Sie von unseren Alpprodukte im Alp-Kiosk einkaufen. 

 

Juhui, dr Alpsummer faht a!       23. Mai 2020

 

So, itze isches nache u mir folge am Ruef vom Gugger: "Chüejerlüüt,  jetz chöit dir cho!"

Am Morge nam mälche ufem Talbetrieb hei mir d Chüeh y Vehtransporter y glade u sy gäge Tannisbode zue gfahre.

Zersch sy aui Tier ir ygrichtete Wäschstrass suuber gwäsche worde u hei derna uf d Weid dörfe y das schöne Alpgras.

Isch das e Augeweid, schön suuberi Chüeh y däm früsche Gras!

Aui Chüeh, Gusti u Chalber, üser zwe Feriegescht d Esle; Nora u Nelson, Katz; Peggy, Hündin; Lilly, die 4 Geisse; Distel, Flurina, Fabiola u Galanda, wo mir dä Summer tüe betreue, sy acho. 

DANKE aune Hälferinne u Hälfer, wo üs am Zügeltag hei ungerstützt.

 

Gusti ueche züglet               16. Mai 2020

Hüt hei mir d Gusti ueche gfüehrt mit de Vehbänne.....Matthias isch mit dr grosse Vehbänne cho u het siner Gusti grad mitgno.

Nachem Zmittag het er no üser Gusti ueche gfüehrt. Sie hei diräkt uf d Weid chönne u gniesse itze das feine Aupegras.

 

 

 

Alp-Vorbereitungen                 3.- 8. Mai 2020

Es geit auergattig im Tannisbode! Mir hei afe öppis zunet, no Bschüttet u dr Chrütergarte isch o wieder usem Winterschlaf erwachet. Sogar Schlüsseliblueme Sirup isch scho härgstellt worde ir Sennhütte. Ufe Söiblueme Honig für am Sunndig zum Zmorge fröie ig mi o scho. Mhmm, früschi Züpfe mit Anke u däm säubergmachte Honig.... E Troum! -

Ja, d Birkhüehner ha ig o scho ghört im Wäudli äne u dr Kuckuck rüeft o scho: ".... Chüejerlüüt, itze chöit dir de gli cho!"  - Juhuii, scho gli geits ume z Alp! 

 

 

 

 

 

Holzen im Tannisboden            14.-18.April 2020

 

Ds Wätter het passt u es isch schön trochen gsi für mit de Maschini dri z fahre. Dr Ueli het Trämmle guet vorbereitet gha u es isch gäbig gsi, wo mir mit em Spalter si vorgfahre.  Mir hei enang ghulfe u nach 4 Stund isch das Holz gspalte gsi....

 

 

 

Ufem Grat                                  18. April 2020

 

 

 

"D Stadtlüüt luege miner Bärge nume geng vo witem a.

Wüsse nid, was ig erläbe, we ig ufem Grat cha sta,

wüsse nid, was ig erläbe, we ig ufem Grat cha sta!"

Adolf Stähli

 

Oschtere im Tannisbode gfiiret                     11./12.4.2020

...und ab düre Bumbach hingere Richtung Süde y üse zweit Wohnung...... nume nid düre Gotthard!

Schön gsy u mir hei d Rueh u d Stiui gnosse.

 

 

 

 

Troumhafte TAG                    7. April 2020

 

 

 

 

Ent-Schleunigung pur           28. /29. März 2020

 

Am Samschtig im spetere Namittag bi ig y Tannisbode ueche glofe. Die letschte warme Sunnestrahle hei mi begleitet. Es isch ganz bsungerbar gsi u ig has gnosse. Die Ruhe, die Stiui, alleini y dere Alpewäut, die Chraft unger mine Füess, hie u da es Früehligsblüemli wo gugget.......e grossi Dankbarkeit het mi erfüllt.

Bir Sennhütte acho ha ig afe einisch müesse die grosse Pfanne mit Schnee fülle u ha se ufe Herd gstellt u afe füüre. 

Es het no grad eis gsprätzlet u knisteret im Öfeli..... isch das nid heimelig?

Es warms Käfeli zu dene feine Sache wo ig ha mitgno....  mmmmh herrlech!

Mis Projekt isch nämlech gsi, hie obe z übernachte u mi säuber y dere Rueh uszhalte. Das isch gägewärtig e wichtegi

Üebig für üs aui. Probiers doch o mau us! 

Weme zerscht mau füüret geits aube chli lenger bis de dr Trittofe ir Stube chli warmet......doch nach ca zwo Stung bi ig im warme Ofeeggeli ghöcklet u bi mine Gedanke nache ghanget.......u ha speter im warme Bett guet gschlafe.

Am Morge früech bi ig ufe Sitehoger ueche ga d Ussicht gniesse u beobachtet wie dr Tag erwachet. So schön!

Nachem Zmorge ha ig ir warme Stube d Radiopredigt glost uf Radio BEO. Wiu z Wätter het wöue umschla bi ig du gäge Mittag z dürache, ume hei zu mire Familie.

Gmüetlech u zfriede hei mir zäme gässe u gueti Gspräch gfüehrt. 

 

 

 

 

 

Entschleunigen, Ruhebewahren, Aushalten             23. März 2020

 

Wir müssen von Zeit zu Zeit

einen Rast einlegen und warten,

bis unsere Seelen uns wieder eingeholt haben!

Indianische Weisheit

 

 

Ueli`s Sonntags-Spaziergang                      15. März 2020

 

 

 

25. Emmentalische Starparade in Burgdorf                             23. Februar 2020

 

Bravo, mit Kuh Salome  3. Rang

 

 

 

Voller Dankbarkeit                          8. Februar 2020

 

 

 

Bilder sind wie Fenster, durch die wir hindurchschauen auf das Geheimnis jenseits aller Bilder.

 

 

Gedanke zum Start in die neue Woche                      27. Januar 2020

 

Alle Kunst kreist letztlich um das Thema LIEBE: 

In der Musik wird sie hörbar; 

in den Bildern sichtbar.

 

 

VIP Apéro für die Sponsoren und Gäste von  NLA Unihockey Tigers Langnau              12. Januar 2020

 

 

Neubeginn       2. Januar 2020

 

Willkommen im neuen Jahr mit vielen Veränderungen...

 

 

 

Stephanstag, 26.12.2019

 

Über d Riedere ueche, gäge d Mirrenegg bi ig y  Tannisbode gwanderet. Es isch sehr stimmigsvoll gsi! Die verschneiti Bärglandschaft, die Rueh, die Stilli, so frieddlech u ig ha mine Gedanke chönne nache sinne......  Uftankt mit Chraft u ere Rueh y mir bi ig zfriede u glücklech ume hei cho. -  DANKE, du wunderschöni Natur. -

 

 

 

WEIHNACHTEN beginnt in uns selbst: Wenn wir uns darauf besinnen, was uns wirklich wichtig ist, und wenn wir die Stille, den Frieden und die wohltuende Langsamkeit dieser Jahreszeit für uns neu entdecken....

 

 

 

 

Im Spitzesport isch aues nach zäme                         16. Dezember 2019

Mir wünsche gueti Besserig!

 

 

Sörenberger Alpabfahrt und Alpkäsemärit in Schüpfheim                        29.September 2019

 

Danke aune üsne Häufer für d Ungerstützig am Märitstand

 

Verschiedene Auftritte mit unserem ALPKÄSE                Sommer 2019

 

 

 

Hochzeit Damaris und Matthias            7. September 2019

 

ESAF Zug 2019       Schön gsi...

 

 

Liebi Gescht u Bsuecher ufem Tannisbode                      Juli / August 2019

 

 

 

Jede Abe chly angers u geng ume einzigartig!                       Juli 2019

 

 

DANKE,  liebi Chüejerlüüt         9.Juli 2019

 

 

Was wäre, wenn die über 500 Alpkäserei-Betriebe im Kanton Bern nicht mehr bestossen würden während den Sommermonaten?

 

Wenn es für unsere Gesellschaft keine gepflegte Naherholungsgebiete mehr gäbe? 

Wenn es im Berner Oberland und den angrenzenden Gebieten keinen attraktiven, gepflegten Tourismus mehr gäbe?

Wer würde unseren einzigartigen Alpkäse kaufen, wenn keine Wander mehr unterwegs wären?

Alles unvorstellbar für mich!

Ich bin so dankbar, dass jeden Sommer immer wieder Aelplerfamilien bereit sind, unsere wunderschöne Alpenwelt trotz intensivem Arbeitspensum zu bewirtschaften und zu pflegen -

mit Herzblut und Leidenschaft!! 

 

Impressionen                        Juni 2019

 

Alpsaison 2019 het gstartet            15.6.2019

 

 

Juhui, jzte sy mir ume uf em Aelpli. U die erschte Mutsche sy o scho ume gmacht u riife itze im Chäuer.

Hür hei mir no zwe angeri Gescht im Stall, wo mir betröiie. Zwe Esle, d Nora u dr Nelson.

 

 

 

Itze isch es sowit, Chüejerlüüt chöit cho!                   9. Juni 2019

 

Wird am Bärg dr Schnee de chranke,

isch dr Ustig nüme wit.

Gits de Nidle, Chäs u Anke

u ne schöni Chüejerzyt!

 

Wird um z Hüttli ume abber,

z Gresli chunnt u Blüemli o.

U vom Waldrand rüeft dr Gugger;

"Chüejerlüüt itzt chöit dir cho!"

 

 

Tag der offenen Hoftüren                                                   2. Juni 2019

 

Es isch e bsungere Tag gsi! Danke aune Hälferinne u Häufer! 

 

 

 

 

 

2. Juni 2019

 

Wenn die Sonne des Lebens untergeht, dann leuchten die Sterne der Erinnerung.

 

Liebs Mueti, DANKE für die Zyt, wo mir zäme hei dörfe ha.

 

 

Es het no zähi mit em Früehlig y de Bärge                              14. Mai bis 22. Mai  2019

 

 

Eliteschau in Bern       3. Mai 2019

 

Die ca 120 schönsten Kühe vom Kanton Bern dürfen mitmachen bei diesem Wettbewerb.

Unsere Kuh Salome durfte auch teilnehmen. Vorgeführt im Ring von Maria. 

Danke dem Betreuungs-Team :)

 

 

 

Üser Chüeh hei dr Früehlig gspührt....                 19. April 2019

 

Am Oschter-Samschtig hei mir üses Veh zum erste Mal uf d' Weid use gla. Sie hei die warme Sunnestrahle gnosse.

 

 

Viehschau im Kemmeriboden                                     18. April 2019

 

 

 

Ds letschte Schneeli                          14. April 2019

 

"Dr Winter het gschwind no es Bsüechli gmacht, s'liegt Schnee uf de Dächer u Weide.

Ha's wäger no gsinet är chönnt über Nacht, sich hurtig no einisch cho bscheide;

sich hurtig no einisch cho bscheide.

 

Los Winter, di möcht me gärn früecher gseh, nid jitze, wo's ändtli sött warme.

Lueg einisch, im Gärtli, stah Tulpe im Schnee! Du kennsch mer o gar keis Verbarme!

Du kennsch mer o gar keis Verbarme!

 

Jitz liedet en Amsle u rüeft mer zue, ig sölli nid geng e so bange!

Ig söll mi doch freue, der färnderig Schnee sig lengschten o furt u vergange,

sig lengschten o furt u vergange!"

 

Liedli von Adolf Stähli

 

 

 

 

 

Was machen die Aelper/innen im Winter?                             2.4.2019

 

Das ist eine spannende Frage. Mir auf jeden Fall, wird es im Winter nie langweilig!

 

Fast wöchentlich darf ich kleinere oder grössere Bestellungen entgegen nehmen. 

Der Alpkäse wird in kleine Stücke geschnitten (ca 280 gr) vakumiert und deklariert. Die Bestellungen überbringe ich jeweils persönlich unseren Kunden. Das ist sehr wichtig und wird geschätzt.  

 

Bereits steht die nächste Alpsaison vor der Türe und man muss neue Arbeitskräfte suchen, was nicht immer eine einfache Aufgabe ist.

 

Während den Wintermonaten besuche ich jeweils noch verschiedene Weiterbildungen. Es ist bereichernd immer wieder neue Menschen kennen zu lernen.

 

Auf was ich mich besonders freue in der Winterzeit, wenn ich an der BBZN, Landwirtschaftlichen Schule in Schüpfheim LU, im Modul Alpwirtschaft als Referentin den zukünftigen Betriebsleiterinnen und Betriebsleiter meine Erfahrungen zum Thema "Marketing Alp-Produkte", weiter geben kann.

 

Und das Tüpfchen auf dem i ist eine Schneeschuh-Wanderung auf den Tannisboden!

"e chly ga glüüsle, öb d'Hütte no steit!"

 

 

 

 

Am Morge früech, we d'Sunne lacht...                        23. März 2019

 

Es isch ume einisch nache gsi!  Am Morge am sächsi bi ig gstartet u hingere düre Bumbach. Vom Schönisey Parkplatz a ha ig ohni Schneeschueh übere gfrornige Schnee chönne loufe. Es isch e Troum gsi, scho so früech y dere Stilli ungerwägs z sy. Ha ab und zue müesse blibe stah u stuune, was mir fürnes Gfell dörfe ha, hie y dere schöne friedleche Schwiiz u dere wunderschöne Bärgwält dörfe daheime sy. DANKE  

 

Z Tüpfli ufe i isch natürlech das feine Zmorge gsi im Tannisbode. E Chäsbrätel u es warms Teeli. Judihui! 

 

 

Der Berg ruft!                                                 25.2.2109

 

Ig ha das einzigartige Wucheänd zersch müesse verdoue!                              

 

Hüt am Morge isches nache gsi. Die glänzige Sunnestrahle hei mi förmlech y d höchi zoge! Ig ha ds Rucksäckli packt, d Schneeschueh o u bi los.....

Im Tannisbode acho,  ha ig die warme Sunnestrahle  gnosse ob dr Hütte ufem Bänkli.  Die Rueh, die Stilli het mir guet ta.

 

 

Es sehr emotionales Wochenende                  23./24. Februar 2019

 

Unsere Kinder im Element! Jedes frönt seine Leidenschaft mit Herzblut!!

 

Am Samstag-Abend wurde in der Wankdorfhalle  zum Unihockey CUP Finale angepfiffen. Spannender und emotionaler hätte dieser Match nicht sein können....... wie ein Krimi!  Der grosse Traum ist in Erfüllung gegangen und die Tigers haben sich diesen Cup Sieg erkämpft. Bravo!!

 

Schlag auf Schlag......am Sonntag fand in Burgdorf die Starparade statt. Unsere Kuh, Salome, durfte auch mitmachen bei diesem Wettbewerb.  Sie erreichte den 2. Rang in ihrer Kategorie. Bravo!

 

 

 

Rückblick im Dezämber  2018

 

Verschiedenes hei mir erläbt y däm Monet, dr ersehnti Schnee isch o acho im Schangnou....ig ha dörfe im Gospelchor-Projekt mitsinge.... d Schwester vom Ueli het dr 50. Geburtstag gfiiret in Malans.....e feine Güetziduuft isch dür z Huus....im Stall hei mir Dopplets Glück gha......u zum 4. Advänt bi ig y Tannisbode ueche glofe ga schöni Wiehnachte wünsche....  

 

 

A d v e n t s z e i t

 

Erinnerung und Erwartung

Advent heisst Ankommendes, Ankunft. In der vorweihnächtlichen Zeit treffen Vergangenheit und Zukunft in besonderer Weise aufeinander. Diese Stimmung der Erwartung macht die Menschen feinfühliger. Erinnerungen an die Kindheit werden wach, vielleicht schleichen dich Wehmut und Traurigkeit ein über Verpasstes, Schmerzendes oder Verlorenes. Es kann für die Seele heilsam sein, wenn die Trauer um das Vergangene zugelassen wird. Danach ist der Weg offen für das Werdende und Freudvolle. Für das, was Weihnachten schenken will.

 

 

 

Arbeite erledige im Wald, bevor dr Winter chunnt....                    (17.11.2018)

 

Es isch chaut dä Morge. Das Biecht, e wahri Pracht. Die letschte Näbuschwade hange no am Himmu, bevor de d'Sunne ma düre drücke.

Dr Chrigu isch mit sim Traktor da u hiuft üs bim Holze. Die letschte  gfallne Tanne wärde no zum Wald use gschleipft mit dr Seilwinde... Mir sy froh, hei mir die Arbeit hüt no chönne abschliesse.

 

E töifi Zfriedeheit              (15.8.2018)

 

 

DANKBARKEIT

Danke, dass ig hie y dere einzigartige Bärgwält darf läbe!

Ja, es isch es Gschänk, während em Summer so nach mit dr Natur dörfe z'sy.  Jede Abe gniesse ig im Stille, die Rueh, die gsungi Luft, wo ig darf yschnufe, d' Gloggetön, wo ig darf ghöre über d Alpweide vom Veh u ig gspühre e Zfriedeheit y mir!  Z'beobachte, was aues so geit um eim ume, u z'gseh, was sech aues veränderet het y de letschte Jahr hie obe im Tannisbode, sigs uf de Weide oder ufem Alpbetrieb....            Die wunderschöne Liechtspiu am Himmu sy jede Abe angers u bsungrig...... me muess se nume gseh!

 

 

Sunntig Morge uf dr Alp         (8. Juli 2018)

 

Dr Mond gseht me no am Himmel. Dr Tag erwachet.....die bsunderigi Stimmig, die Rueh u d’Glöggli vom Veh uf de Weide töne so friedlech dür dä klar Sunntig Morge. Die Bärgwält, so wunderschön!  Ig ha fasch nid gnue vo dere Chraft chönne yisuge - Ig bi ungerwägs für ga d Chüeh z’reiche.  „Chum,  chum sä, chömet Chuehli, chömit!“  Sie hei dr Chopf uf u ghöres u chöme y Bewegig u loufe Heizue gäge Stall.  Die Bluemepracht gägewärtig uf dene Alpweide, e wahri Fröid. Ig ha zum Veh reiche no e Bluemestruss gmacht......   - Am Mittag ha ig e Biketour gäge z Salwideli hingere gstartet u bi dür z’Laubersmad ueche ume zrugg cho. -

 

 

Jodel-Crash-Kurs im Tannisbode und Chästeilete

 

Es isch lustig gsi u es het fröhlech tönt bi de Teilnähmer vo däm Jodel-Crash-Kurs bir Renate Lüthi. U nare Stung isch z erschte Lied scho z Fade gschlage gsi..... Bravo! - U derna hei mir no e Betriebsfüehrig gmacht ir Alp-Chäserei u erklärt, wases alls bruucht, bis es e Chäs git.  Mir hei du e Laib Alpchäs vom letschte Jahr verschnitte u unger de Kurs-Teilnähmer teilet.