Mit der Zeit sammelt sich

auf unserer Lebensrerise

oft mehr Gepäck,

als wir tragen können.

Die Kunst ist, das Wesentliche

vom Bedeutungslosen

zu unterscheiden.

loslassen - sich trennen von alten Sachen……

Liebe Besucher von meinem “Tagebuch”…..

endlich wieder mal ein Zeichen von mir!  …..und bald feiern wir Weihnachten!

Ich wünsche euch allen eine lichtvolle, zufriedene Adventszeit.

Sälü Theres

Mir zwe sy letschti Wuche im Tannisbode uf Bsuech gsi mit üsne Froue. Mir hei dänkt, du erkennisch u wüssisch de scho, wär geng mit Crocs y Usgang geit….

Gruess  mir zwe

Sälü Therese

Kannst du mir sagen, wem diese Schuhe/Füsse gehören? Viel Spass beim Rätseln!

Gruss Esther

Was es nicht alles gibt hier im Tannisboden!

Philippe hatte gestern Abend Besuch von zwei Mitschülern der landwirtschaftlichen Winterschule Hondrich. Sie hatten es sehr lustig Kamen sie doch plötzlich auf die glorreiche Idee den Hotpot einzufeuern (dauert ca 3 Std)…….um ein Mitternachts-Bad zu geniessen.

Die vier Wuche Aktivferie si schnäll verbi gange. Ersch si doch grad d’ Erika, d’Lea u dr Simon acho vom Thurgau….u scho isch die spannendi, schöni Zyt verbi!

Am Sunntigabe sy sie mit emene vollbeladene Auto ume hei gfahre.  Mir hei e gueti Zyt zäme verbracht. Es isch doch gar nid so selbstverständlech, me kennt sich ja gar nid würklech vorhär u de läbt me uf einisch so nach binang ire Sennhütte, wo me gar kei Privatsphäre het, zäme unger eim Dach. Es het vo Anfang a guet harmoriert u jedes  het dr nötig Respekt mit sich bracht, wo halt wichtig isch so ire Wohngemeinschaft uf dr Alp! D Erika het üs jede Tag ume nöii mit feine Mahlzyte verwöhnt, d’ Lea  isch gärn mit y  Stall zu de  Tier, aber o im Beizli isch sie e grossi Hilf gsi. Dr Simon het oft ghulfe Gmües rüschte u süsch no allergattig glehrt …..

Härzleche Dank für öie unermüedlech Yisatz hie bi üs im Tannisbode!

Liebe Silvan, liebe Janik 

Danke für ds Mail, das het mi gfröit. Geits öich guet? Schad, isch ds Wätter nid wärmer, dir chöit sicher o nid viel bade im Plantschbecki.

Üsne Chüeh geits guet im Tannisbode u scho bald chömme mir ume ache…… Da chöit dir zwe de ume vo öiere Laube ache luege, we mir d’ Chüeh uf d’Weid triebe.

 Ig schicke öich afe zwöi Bilder….

Ig wünsche öich aues Guete, vil Sunneschin u fröie mi uf öie Bsuech. Liebi Grüess vom Tannisbode  Esther u Familie

Judihui, endlech ha ig my langersehnti, nöii Sennhütte-Türe. Ig ha fescht Fröid dranne

Uhh, hüt am Morge isches angers gsy, wo ig mi Nasespitz unger dr warme Dechi ha füre gno……das het sicher gschneit übere Grat y, si miner erschte Gedanke gsy. Tatsächlech, wo ig a z Tannhorn ueche luege,……Schnee! Das het mi gar nüt erstunt, ig ha das gspürt, irgendwie isch d’Luft angers hüt am  Morge. Weme y de Bärge wohnt, nach mit dr Natur verbunde isch, nimmt me so settegi Gegäbeheite ender, angers wahr. Hüt isches gäbig, so bim Chäschessi zueche…..wenigstens e positive Näbeeffekt bim Chäse!

Dr Näbel chunnt unger ueche u es faht ume afa rägne. Das isch ja nüt nöis y de letschte zäh Tage…..  Bi ja gspannt, wär sech hüt wagt y Tannisbode ueche z’cho bi dene Temperature….

Hüt am Sunntig wird sicher de eis g’jasset ir Stube. Dr Simon u d’Lea hei viel spannendi Büecher zum Läse mit gno…… langwilig wirds niemerem hie im Tannisbode!

Häbet e gfröite Sunntig u blibet ir warme Stube!

Wir erleben oft spannende und interessante Gespräche  mit Gästen in unserem Beizli. Besonders freut mich, wenn mir gesagt wird, dass meine Berichte gelesen werden und der Leserschaft gefallen. DANKE

Heute Abend waren unsere Kinder wieder einmal beide Zuhause beim Nachtessen. Das ist meistens lustig, besonders jetzt,wenn noch Philippe unser Angestellter dabei ist.  ”Unsere jungen Erwachsenen” erzählen  einander jeweils, was unter der Woche alles so geschehen ist am Arbeitsplatz…. Es wird gelacht und ist als Zuhörer sehr amüsant.

VORANZEIGE : Am kommenden Samstag, 30. Juli 2011 nehmen wir an der  ” 750 Jahrfeier Wiler”  statt mit einem Marktstand. Im Angebot werden wir Alpkäse, Alpraclette, Alpmutschli, Frischkäse, Ziegenkäse, Sirup, und und….. haben. Wir freuen uns auf Ihren Besuch!

So,das wärs vorläufig….. bald werden Sie wieder News vom Tannisboden lesen. Ein farbenfrohes Wochenende! d’ Sennerin